مدونة الفرسان

الخميس، 24 يونيو 2010

قمر يافا -- للشاعر عبد الرحمن الأبنودي

10:41 م GP

لسه ما شبعتش طوافة

ياللي بتطوف من سنين

لسه ما كرهت الليالي ؟

لسه ما شبعتش مشاهدة.. ؟

يا قمر .. حالك .. كحالي..

ضيعونا .. بالمعاهدة !!

***

أقرأ المزيد

بغداد -- للشاعر عبد الرحمن الأبنودي

10:39 م GP

مهما أقول أو تقول..

إيه راح يفيد الكلام؟..

حكامنا صاحبوا العدو ..

وإحنا رحنا ننام

قالو لنا: حنحلها إحنا في خمس تيام

آدي بداية انهيار الأمة قدامنا

بعنا حقيقتنا وسكنّا في أوهامنا

عشنا وزادنا الخطب..

كرهتنا أحلامنا

أنا ما بنيت الدار إلاَّ لأحارب

ودار بلا حربٍ... عليا حرام..!!

مهما أقول أو تقول..

إيه راح يفيد الكلام؟

مش قالوا حنحلها إحنا في خمس تيام؟..

آدي العراق منطرح ع المقصلة.. بناسُه..

مستني حكم الغريب الجاي... بمداسه

يدوس علي الأمة.. وتسممنا أنفاسه

أقرأ المزيد

القدس --للشاعر عبد الرحمن الأبنودي

10:38 م GP

القدس قدسي..

يمامة صيف في غيتها.

تطير . تيجيني..

بأشواقها .. وغيتها.

فاكراني من يد صيادها

أنا اغيتها !!

فاكراني صوت الأدان الحي

في "حطين"

ومخبي في ضلوعي قلبك

يا "صلاح الدين"..

شايل صراخ اليتامى

ولوعة المساكين

فاكراني كفن الشهيد

وخيمة اللاجئين

وأول الأتقيا..

وآخر الهاربين..

***

أقرأ المزيد

ياأمة قومي-- للشاعر عبد الرحمن الأبنودي

10:37 م GP

يا أمة قومي بقي.. ده انتي فضحتينا...
الأمريكان سكنوا مش وسطينا.. لأفينا
والاّ اليهود اللي سرقوا حتي أغانينا
حرتوا الأراضي وقتلوا هناك أعز الولد
الشهدا أكوام علي الأكتاف.. إوعي تعد
أبدان جميلة.. بتاكلها النسور والحِدّ
إحنا انتهينا... تعالوا ياللي بعدينا!!
يا أمة قومي بقي لأحسن فضحتينا....
الأمريكان سكنوا مش وسطينا.. لأفينا!!
ياللي في عُسري وضيق اليد نسيتونا
أهي الفلوس نفسها.. حاتروح لأعادينا
بترول أراضي العدو ده اللي في أراضينا.!!
شفتوش كده؟ والبلاد ممنوع نحميها
نحميها من مين؟ دي مش أراضينا.. أراضيها
هوه بسلاحه المميت.. جاي ينزرع فيها
وانتو.. بدخان صمتكم يا أهلي عميتونا
ياللي في عسري وضيق اليد نسيتونا
أهو جه ياكلكوا اللي علي حربه انتو لُمْتونا!!
يا أمة ترمي ضميرها للكلاب.. ببلاش

أقرأ المزيد

رباعيات صلاح جاهين1

10:32 م GP

كام اشتغلت يا نيل في نحت الصخور
مليون بئونه وأَلف مليون هاتور
يا نيل أنا ابن حلال ومن خِلفتك
وليه صعيبه عليّ بس الأمور
عجبي!!

****

أنا كل يوم أسمع .. فلان عذبوه
أسرح ف بغداد والجزاير واتوه
ما أعجبش م اللي يطيق بجسمه العذاب
وأعجب من اللي يطيق يعذب أخوه
عجبي!!

****

أقرأ المزيد

مصر السهرانة ف عيون جاهين

10:27 م GP

مصر السهرانة ف عيون جاهين

النور ملو الشوارع

و مليون راديو والع

الساعة اتنين صباحا

لكن إيه الموانع ! ..

الخلق رايحة جايه

و الدنيا لسه حيه

مليانه بالهأَو أَو

و زعيق القهوجية

واحد يقول لواحد :

خليك يا عم قاعد

التانى يقول له :

شكرا

أقرأ المزيد

على اسم مصر(لصلاح جاهين)

10:26 م GP

على اسم مصر

النخل في العالي والنيل ماشي طوالي

معكوسة فيه الصـور .. مقلوبة وانا مالي

يا ولاد أنا ف حالي زي النقش في العواميد

زي الهلال اللي فوق مدنة بنوها عبيد

وزي باقي العبيد باجري على عيالي

باجري وخطوي وئيد من تقل أحمالي

محنيه قامتي .. وهامتي كأن فيها حديد

وعينيا رمل العريش فيها وملح رشيد

لكني بافتحها زي اللي اتولدت من جديد

على اسم مصر.

أقرأ المزيد

الشوارع حواديت (للشاعر صلاح جاهين)

10:23 م GP

الشوارع حواديت

الشوارع حواديت
حواديه الحب فيها
وحودايه...عفاريت
اسمعي يا حلوة لما اضحكك

الشارع دا كنا ساكنين فيه زمان
كل يوم يضيق زيادة عن ما كان
اصبح الآن بعد ما كبرنا عليه
زي بطن الأم مالناش فيه مكان

أقرأ المزيد

ما اقدرش أنسى البشر(للشاعر صلاح جاهين)

10:21 م GP

ما اقدرش أنسى البشر

موجود على الأرض دم كتير وله أصحاب ماشيين على الأرض لسه مانتهوش لتراب قاعدين على البرش لسه من ورا الأبواب لاهثين ورا القرش لسه وبيطولوه بعذاب عايشين على الشمس والطين هما والأعشاب عاملين لترس المكينة سيور من الأعصاب حارقين فى فرن القمينة عضمهم أخشاب رايحين وجايين غلابا مظلومين أغراب

أقرأ المزيد

الشاي باللبن (للشاعر صلاح جاهين)

10:19 م GP

الشاي باللبن

أربـع إيـديـن عـلى الفـطار
أربـع شـفايف يشربوا الشاى باللبن
ويـبوسوا بعض ويحضنوا نور النهار
بـين صدرها وصدره وبين البسمتين
ويحـضنـوا الحب اللى جمعهم سـوا
على الفطـار

أقرأ المزيد

10:13 م GP

الدرس انتهى

الدرس انتهى لموا الكراريس
بالدم اللى على ورقهم سـال
فى قصـر الأمم المتــحدة
مسـابقة لرسـوم الأطـفال
ايه رأيك فى البقع الحمـرا
يا ضمير العالم يا عزيزى
دى لطفـلة مصرية وسمرا
كانت من أشـطر تلاميذى
دمها راسم زهرة
راسم رايـة ثورة
راسم وجه مؤامرة
راسم خلق جباره