مجموعه رسايل الاسطى حراجى لزوجته فاطنه عبد الغفار -- للشاعرعبد الرحمن الأبنودي

الجوهرة المصونه

والدره المكنونه

زوجتنا فاطنه أحمد عبد الغفار

يوصل ويسلم ليها

في منزلنا الكاين في جبلايه الفار




أسوان ... الرسالة 1

Read More

خايف أموت من غير ما اشوف تغيير الوشوش -- للشاعر عبد الرحمن الأبنودي

خرج الشتا وهلِّت روايح الصيف*

والسجن دلوقتى يرد الكيف!!

مانتيش غريبة يا بلدي ومانيش ضيف

لو كان بتفهمي الأصول

لتوقفى سير الشموس..

وتعطلي الفصول.

وتنشفي النيل في الضفاف السود

وتدودى العنقود

وتطرشي الرغيف!!

ما عدتي متمتعة وانتى في ناب الغول

بتندغي الذلة وتجتري الخمول

Read More

البت جمالات-- للشاعر عبد الرحمن الأبنودي

بياع الوشنة

اللي العصرية بيزمر ويفوت

م اليوم مش هيفوت

ولا هينادي علي المنجة والتوت

زي ما كل الناس بتموت

بياع الوشنة يا جمالات مات

عدي الموسم

وشجرة النبق اتخضت

والتكعيبة عرف سكٌتها الموت

التعابين كترت في الهيش

كيف بس يا خالي تقول حاجي

Read More

سيد طه-- للشاعر عبد الرحمن الأبنودي

زي المسمار القلاووظ

قصير .. وتحس أنه قصيٌر أكتر

لما يقوم

أسمر..وكأنه قديم

الدم صعيدي ما زال

الوش الحامي والقول

صادق ..م القلب

وعمره ما كان كذاب

أو معمول

إذا حط ايديه في مشروع

لا بد يبوظ

صراحته بتفسد أيها موضوع

لكن الصدق

ما بيتبعش بمال

ما دام الدم صعيدي ما زال

ولا بيعرفش الا الصدق

حتي لو هو وولاده

Read More

قمر يافا -- للشاعر عبد الرحمن الأبنودي

لسه ما شبعتش طوافة

ياللي بتطوف من سنين

لسه ما كرهت الليالي ؟

لسه ما شبعتش مشاهدة.. ؟

يا قمر .. حالك .. كحالي..

ضيعونا .. بالمعاهدة !!

***

Read More

بغداد -- للشاعر عبد الرحمن الأبنودي

مهما أقول أو تقول..

إيه راح يفيد الكلام؟..

حكامنا صاحبوا العدو ..

وإحنا رحنا ننام

قالو لنا: حنحلها إحنا في خمس تيام

آدي بداية انهيار الأمة قدامنا

بعنا حقيقتنا وسكنّا في أوهامنا

عشنا وزادنا الخطب..

كرهتنا أحلامنا

أنا ما بنيت الدار إلاَّ لأحارب

ودار بلا حربٍ... عليا حرام..!!

مهما أقول أو تقول..

إيه راح يفيد الكلام؟

مش قالوا حنحلها إحنا في خمس تيام؟..

آدي العراق منطرح ع المقصلة.. بناسُه..

مستني حكم الغريب الجاي... بمداسه

يدوس علي الأمة.. وتسممنا أنفاسه

Read More

القدس --للشاعر عبد الرحمن الأبنودي

القدس قدسي..

يمامة صيف في غيتها.

تطير . تيجيني..

بأشواقها .. وغيتها.

فاكراني من يد صيادها

أنا اغيتها !!

فاكراني صوت الأدان الحي

في "حطين"

ومخبي في ضلوعي قلبك

يا "صلاح الدين"..

شايل صراخ اليتامى

ولوعة المساكين

فاكراني كفن الشهيد

وخيمة اللاجئين

وأول الأتقيا..

وآخر الهاربين..

***

Read More

ياأمة قومي-- للشاعر عبد الرحمن الأبنودي

يا أمة قومي بقي.. ده انتي فضحتينا...
الأمريكان سكنوا مش وسطينا.. لأفينا
والاّ اليهود اللي سرقوا حتي أغانينا
حرتوا الأراضي وقتلوا هناك أعز الولد
الشهدا أكوام علي الأكتاف.. إوعي تعد
أبدان جميلة.. بتاكلها النسور والحِدّ
إحنا انتهينا... تعالوا ياللي بعدينا!!
يا أمة قومي بقي لأحسن فضحتينا....
الأمريكان سكنوا مش وسطينا.. لأفينا!!
ياللي في عُسري وضيق اليد نسيتونا
أهي الفلوس نفسها.. حاتروح لأعادينا
بترول أراضي العدو ده اللي في أراضينا.!!
شفتوش كده؟ والبلاد ممنوع نحميها
نحميها من مين؟ دي مش أراضينا.. أراضيها
هوه بسلاحه المميت.. جاي ينزرع فيها
وانتو.. بدخان صمتكم يا أهلي عميتونا
ياللي في عسري وضيق اليد نسيتونا
أهو جه ياكلكوا اللي علي حربه انتو لُمْتونا!!
يا أمة ترمي ضميرها للكلاب.. ببلاش

Read More

رباعيات صلاح جاهين1

كام اشتغلت يا نيل في نحت الصخور
مليون بئونه وأَلف مليون هاتور
يا نيل أنا ابن حلال ومن خِلفتك
وليه صعيبه عليّ بس الأمور
عجبي!!

****

أنا كل يوم أسمع .. فلان عذبوه
أسرح ف بغداد والجزاير واتوه
ما أعجبش م اللي يطيق بجسمه العذاب
وأعجب من اللي يطيق يعذب أخوه
عجبي!!

****

Read More

مصر السهرانة ف عيون جاهين

مصر السهرانة ف عيون جاهين

النور ملو الشوارع

و مليون راديو والع

الساعة اتنين صباحا

لكن إيه الموانع ! ..

الخلق رايحة جايه

و الدنيا لسه حيه

مليانه بالهأَو أَو

و زعيق القهوجية

واحد يقول لواحد :

خليك يا عم قاعد

التانى يقول له :

شكرا

Read More

على اسم مصر(لصلاح جاهين)

على اسم مصر

النخل في العالي والنيل ماشي طوالي

معكوسة فيه الصـور .. مقلوبة وانا مالي

يا ولاد أنا ف حالي زي النقش في العواميد

زي الهلال اللي فوق مدنة بنوها عبيد

وزي باقي العبيد باجري على عيالي

باجري وخطوي وئيد من تقل أحمالي

محنيه قامتي .. وهامتي كأن فيها حديد

وعينيا رمل العريش فيها وملح رشيد

لكني بافتحها زي اللي اتولدت من جديد

على اسم مصر.

Read More

الشوارع حواديت (للشاعر صلاح جاهين)

الشوارع حواديت

الشوارع حواديت
حواديه الحب فيها
وحودايه...عفاريت
اسمعي يا حلوة لما اضحكك

الشارع دا كنا ساكنين فيه زمان
كل يوم يضيق زيادة عن ما كان
اصبح الآن بعد ما كبرنا عليه
زي بطن الأم مالناش فيه مكان

Read More